AZCON HOLDING

“Azərbaycan Nəqliyyat və Kommunikasiya Holdinqi (AZCON)” publik hüquqi şəxs Azərbaycan Respublikası Prezidenti cənab İlham Əliyevin 2024-cü il 7 noyabr tarixli Fərmanına əsasən yaradılıb.

AZCON-un əsas hədəfləri idarəetməsinə verilmiş dövlət müəssisələrinin, dövlət payı olan təsərrüfat cəmiyyətlərinin və publik hüquqi şəxslərin müasir korporativ idarəetmə prinsiplərinə uyğun idarə olunması, rəqabət qabiliyyətinin və maliyyə dayanıqlılığının artırılmasıdır.

AZCON, Azərbaycanın milli prioritetlərini dəstəkləyən etibarlı, təhlükəsiz və səmərəli infrastruktur, data baza, xidmətlər və səriştələr təmin etməklə nəqliyyat və kommunikasiya şirkətlərinin dəyərini artırmağı əsas missiya seçmişdir.